മരണ സർട്ടിഫിക്കറ്റ്

മരണ സർട്ടിഫിക്കറ്റ്
വാങ്ങി

ആരോടും പറഞ്ഞില്ല

ചടങ്ങുകൾ ഒഴിവാക്കി .

ആരുമില്ലാത്ത ഒരിടത്തു പോയി
സ്വയം മണ്ണ് വാരി
ഉടലിൽ ഇട്ടു

ഓർമ്മകളെ കുഴിച്ചു മൂടി .
അങ്ങനെ പോയി കുറെ കാലം

ആർക്കും മനസ്സിലായില്ല
മരിച്ച കാര്യം

ചങ്ങാതിമാർ
അയൽക്കാർ
വീട്ടുകാർ

ആരാണ് മരിച്ചത്
ആരാണ് കൊന്നത്

ഞാൻ ..ഞാൻ തന്നെ

എന്റെ  മരണവും
ഒരിക്കൽ ഞാൻ ഒഴിച്ച്
എല്ലാവരും അനുഭവിച്ചു കാണും .