Wednesday, August 17, 2016


ഞാൻ വരുന്നതു കാത്തു നിൽക്കുന്ന ഒരാൾ
========================
രോഷ്‌നി സ്വപ്ന

ഞാൻ വരുന്നതു
കാത്തു നിൽക്കുന്ന
ഒരാളുണ്ട്‌
എന്റെ ഉള്ളിൽ

കാൽ വിരലുകൾ
മണ്ണിലേക്ക്‌ നട്ടു വച്ച്‌
വേരു കിളിർക്കുന്നതു നോക്കി നിൽക്കും
ഓർമ്മകളെ
തടമെടുത്ത്‌ പാകി വക്കും.

മറന്നുപോയവയു ടെ
കുഴികളിൽ
വെള്ളം കോരി നിറക്കും

വാങ്ങിവച്ച പുസ്തകങ്ങൾ
ഒന്നുപോലും വായിക്കാതെ
ഒട്ടിച്ചു വക്കും

ഇലകളെ
വാട്ടിയെടുത്ത്‌
ചോറു പൊതിഞ്ഞു വക്കും

എല്ലായ്‌പ്പോഴും
ഞാൻ തിരിച്ചു വരില്ല
എന്നറിഞ്ഞിട്ടും
എല്ലായ്‌പ്പോഴുമെന്നെ
ചിരിച്ചു കൊണ്ട്‌
യാത്രയാക്കാറുണ്ട്‌
ഞാൻ
നിന്നിലുള്ളതി നേക്കാൾ ചുവടുകൾ നിന്നിൽ തന്നെ.
-------------------
തണുപ്പ്‌....
ചെറുത്‌..
..ചെറുതിലും
ചെറിയ തണുപ്പ്‌
നീ കുഴി ച്ചെടുക്കുന്ന കളിമണ്ണിൽ
മനുഷ്യർ..മൃഗങ്ങൾ....നിഴലുകൾ...
കടും ഇളം നരച്ച പച്ചകൾ...വെള്ളകൾ

വൈകുന്നേരമായില്ലെങ്കിൽ
ഇവിടെത്തന്നെ ഇരിക്കാം
നിന്റെ കാലുകൾ ആകാശത്ത്‌
ചവിട്ടുന്നത്‌ കേൾക്കുന്നുണ്ട്‌
നിറങ്ങൾ
ഒന്ന്...പലത്‌
പലത്‌...അതിലും പലമയിലേക്ക്‌...
നീ ആകാശത്ത്‌
പി ന്നെയും തണുപ്പ്‌
മൺനിലം
മണൽത്തരികൾ
ഓർക്കാത്ത ഓർമ്മ
പാമ്പിഴച്ചിലിൻ മണം
ഉറക്കം.
പല്ലിമുട്ടയിടുന്ന താളിടുക്കുകൾ
കടലാസിന്റെ വിയർപ്പ്‌.
ഓർക്കു മ്പോൾ..
ഓർക്കാത്ത ഓർമ്മ
കടൽ വന്നു
എല്ലാം പകുത്ത്‌
എല്ലാം പകുത്ത്‌
ഉപ്പ്പ്‌....വിറയൽ....പ്രണയം....കരച്ചിൽ..
കടൽ കൊണ്ടു പോയ പട്ടം
കടലിനു മറ്റൊരു പേരിടണമെന്ന ഉറപ്പ്‌
ഉറപ്പായും ഇത്‌ ഒരു തീവണ്ടി
ത ന്നെയാവണം
ഉറങ്ങി പ്പോയാൽ
വിളിച്ചു വിളിച്ചുണർത്തണം.
നീയുള്ളിടത്ത്‌ നീ...
വീണ്ടും നീ
അതേ നീ
നേരം എന്നൊന്നില്ലെങ്കിൽ
ഇവിടെ ഇരിക്കുമായിരുന്ന എ ന്നെ
ഇവിടെത്തന്നെ ഇരുത്തി
എങ്ങോട്ടെങ്കിലും പോകാമായിരുന്നു
പ ക്ഷേ...ഈ പച്ച യൊ ക്കെ
കുത്തി യൊലിച്ചു പോകി ല്ലേ....