Monday, July 17, 2017

രോഷ്നിസ്വപ്നയുടെ കവിതകള്‍: ബുദ്ധനോടൊപ്പം ഇരിക്കുന്ന ഒരാൾ

രോഷ്നിസ്വപ്നയുടെ കവിതകള്‍: ബുദ്ധനോടൊപ്പം ഇരിക്കുന്ന ഒരാൾ

ബുദ്ധനോടൊപ്പം ഇരിക്കുന്ന ഒരാൾ


*************************************
ബുദ്ധനോടൊപ്പം 
ഒരാൾ  ഇരിക്കുന്നു 
ഒറ്റ നിമിഷം കൊണ്ട്  പകർത്തിയ ചിത്രം 

അയാൾ ഇരിക്കുന്നത് 
ഒരു കവിതയോടൊപ്പമാണ് 
എന്ന്  തോന്നിയ നിമിഷം 
അയാൾക്ക്‌ ബുദ്ധന്റെ 
മുഖം ആണെന്ന് 
തെളിഞ്ഞു  വന്നു 

ഇരുട്ടിൽ  നിന്ന് 
ഒരു വാക്ക് 
സ്വന്തം  പേര് പറഞ്ഞു 
കയറി  വരും  പോലെ... 
Dr.Roshniswapna
9447254006

അർദ്ധനാരീശ്വരം


*******************

രണ്ടു ഭൂഖണ്ഠങ്ങളിലിരുന്ന്
രണ്ട്  കാലങ്ങളിലിരുന്ന് രണ്ട്  ജന്മങ്ങളായി 
കൊത്തണം 

ഒരു മരത്തിലല്ല 
തീർത്തും  വ്യത്യസ്ഥമായ 
രണ്ട് മരങ്ങളിൽ 
പരസ്പരം  കാണരുത് 
തൊടരുത് 
ശ്വാസം  പോലും  ചേരരുത് 

വീതുളികൾ തമ്മിൽ അറിയരുത് 
എന്തിന് !
ഒരു പകുതിയേ  ഉള്ളു എന്ന് 
ഒഴിഞ്ഞ  പാതി 
ഒരിക്കലും അറിയരുത് 
അപ്രതീക്ഷിതമായി ചേർത്ത് 
വെക്കുമ്പോൾ 
ഉണ്ടാകുന്ന 
aa ചേർച്ചയല്ലേ 
നീയും ഞാനും എന്ന 
ഏകാന്തതയിലേക്ക് 
നയിക്കുക ?

കറുത്ത പെൺകുട്ടികൾ





കറുത്ത പെൺകുട്ടികൾ
ചുവന്ന തെച്ചിപ്പഴം കഴിക്കുന്നത് 
കണ്ടിട്ടുണ്ടോ ഇന്നലെവരെ ഭൂമിയും ആകാശവും കാറ്റും കടലും 


ഇല്ലാതിരുന്നത് പോലെ 
ചുണ്ടുകൾ കൊണ്ട് 
ചുവപ്പ് ഊറ്റിയൂറ്റി കുടിച്ച് 
അവർ തെച്ചിപ്പഴം ഈമ്പും 

എന്നിട്ടവർ ഒരു തണ്ട് പൂവെടുത്തത്‍ 
തലയിൽ ചൂടും 

ലോകത്ത് നിറങ്ങൾക്ക് 
മനുഷ്യരുടെ പേടിയുടെ 
പേരാണെന്ന് 
അവർ അറിഞ്ഞിരിക്കില്ല 

എനിക്ക് മുമ്പേ ===================


, എനിക്ക്  മുമ്പേ  ഞാൻ 
പുറ്റുകളിൽ ആയിരുന്നു 
കവിതകളാകും മുമ്പ് 
കുരൽ തിരഞ്ഞ 
വാക്കുകളിൽ നിന്ന് കവിത 
കടലിലേക്ക്‌ ഊളിയിടുന്നത് 
ഞാൻ  നോക്കി നിന്നു
എന്റെ ചിലമ്പ് ഞാൻ മുറുക്കെ പിടിച്ചു 
എന്റെ ഉടയാട ഞാൻ ചേർത്ത് പിടിച്ചു 
എല്ലായ്പ്പോഴും 
നീവെളിപ്പെടുമെന്നു 
കരുതുക  വയ്യല്ലോ !